Umuhango wo gusoza Itorero Inkomezabigwi 8 wabaye kuri uyu wa mbere, tariki ya 30 Ukuboza 2019, witabirwa n’abagize Komite Nyobozi y’akarere ka Nyabihu bari kumwe n’abahagarariye inzego z’umutekano zikorera mu Karere ka Nyabihu.

Abayobozi bagize uruhare mu kuyobora umuhango mu byanya bitandukanye;

Kavana Intore ku karubanda no kuziha izina ry’ubutore,

Intore ziri kumwe n’Abanyamabanga Nshingwabikorwa b’Utugari n’ab’Imirenge zahize Imihigo zizakora  mu gihe cy’urugerero rw’Umudugudu,

Kwakira indahiro n’Imihigo y’Intore, gutumwa ku rugerero no gusoza Itorero Inkomezabigwi 8,

Umuyobozi w’Ingabo mu Karere ka Nyabihu yatanze ikiganiro ku Ndangagaciro zatumye urugamba rwa APR/RDF rwo kwibohora, urwo guhagarika Jenoside n’urwo kubaka u Rwanda rushya, ikiganiro cyatangiwe mu cyanya cya EAV Bigogwe.

Abayobozi b’Akarere n’abahagarariye inzego z’umutekano bitabiriye uyu muhango mu byanya bitandukanye, aho Umuyobozi w’Akarere ka Nyabihu, Madamu Mukandayisenga Antoinette ari kumwe n’ Umuyobozi w’Ingabo mu Karere ka Nyabihu, Lt Col. Kabanda Peter n’umuyobozi wa RIB, Sekarera Jacques bari mu cyanya cy’Urwunge rw’amashuru ya Rambura y’abahungu,

Umuyobozi w’Akarere ka Nyabihu wungirije ushinzwe iterambere ry’ubukungu, Bwana Habanabakize Jean Claude ari kumwe n’Umuyobozi wa Police mu Karere ka Nyabihu, SSP Byuma Paul bitabiriye umuhango mu cyanya cy’Urwunge rw’amashuri ya Vunga,

Umuyobozi w’Akarere wungirije ushinzwe imibereho myiza, Bwana Simpenzwe Pascal ari kumwe n’Umuyobozi w’Inkeragutabara mu Karere ka Nyabihu, Major Micombero Telesphore na NISS Manzi Emmanuel, bitabiriye mu cyanya cya EAV Bigogwe,

Umunyamabanga Nshingwabikorwa w’Akarere ka Nyabihu, Bwana Ndizeye Emmanuel ari kumwe n’Umuhuzabikorwa wa DASSO mu Karere ka Nyabihu, Mukerarugendo Jean Pierre, bitabiriye mu cyanya cya TVET Nyabihu.