Kuri uyu wa mbere, tariki ya 23 Kamena 2025, mu rugo mbonezamukirire rw’icyitegererezo rwa Bigogwe (Model ECD&F Bigogwe) ruherereye mu Murenge wa Bigogwe, Akagari ka Kijote, habereye imurikabikorwa . Ni umuhango witabiriwe n’Umunyamabanga Nshingwabikorwa w’Umurenge wa Bigogwe; Bwana Nsengimana Jean Claude ari kumwe n’abakozi bakorera ku rwego rw’Umurenge n’AKarere bafite mu nshingano ibikorerwa muri uru rugo.

Uyu munsi witabiriwe kandi uhagarariye umufatanyabikorwa Reach the Children in Rwanda(RCR), abayobozi b’ibigo nderabuzima byegereye ECD Bigogwe, abarezi, ababyeyi hamwe n’abanyeshuri barangije icyiciro cya gatatu cy’inshuke (Nursery 3).

Hagaragajwe serivisi zitangirwa muri uru rugo mbonezamikurire, harimo abana barangije icyiciro cy’inshuke bitegura kujya mu mashuri abanza. Urugo rw’icyitegererezo cya Basumba rwituye urugo rwa Bigogwe inyana, aho ECD Bigogwe iteganya koroza n’abandi mu myaka  itaha.

Mu ijambo ry’uhagarariye Ubuyobozi bw’Akarere, Bwana Niyotwambaza Gervais; umukozi ushinzwe amashuri y’inshuke, abanza n’amasomo y’abakuze, yashimye iyi gahunda yo kugaragaza ibikorwa  ashimira ababigizemo uruhare bose, yagarutse kuri serivisi zitangirwa muri uru rugo mbenzamikurire ashishikariza ababyeyi kujyana abana mu marerero no mu mashuri y’inshuke kugira ngo bahabwe serivisi z’ibanze zibategurira kuzavamo abo Igihugu cyacu cyifuza.