Inama y’aborozi b’inka bo mu Karere ka Nyabihu yateranye kuri uyu wa kabiri, tariki 29/10/2019 ku bufatanye bw’Akarere n’umushinga RDDP, ugamije guteza imbere ubworozi bw’inka zitanga umukamo mu Rwanda. Yitabiriwe n’abafashamyumvire mu bworozi bw’inka  zitanga umukamo (L-FFS Facilitators), abakuriye amatsinda y’aborozi (L-FFS groups’ Leaders), abajyanama b’ubworozi mu Midugudu n’Utugari, abayobozi b’amakoperative acunga amakusanyirizo y’amata (MCCs), RYAF Associate manager & Vet technicians, abaganga b’amatungo bigenga n’abashinzwe ubworozi  mu Mirenge ndetse no mu Karere, abahagarariye inganda ziciriritse zitunganya amata n’ibiyakomokaho, abakozi ba MINAGRI bashinzwe ubwishingizi bw’amatungo, umuyobozi wa RAB Station ya Gishwati, umukozi wa BDF mu Karere ka Nyabihu…

Abitabiriye inama baganiriye ku ngingo zitandukanye, harimo; iterambere ry’ubworozi bw’inka zitanga umukamo mu Karere ka Nyabihu, amahirwe ari mu mushinga RDDP, ibyakozwe n’umushinga RDDP mu Karere ka Nyabihu, ubwishingizi bw’inka..

Nyuma yo kuganira no kungurana ibitekerezo hafashwe imyanzuro ikurikira;

Aborozi bitabiriye inama, nyuma yo gusobanurirwa n’umukozi w’umushinga RDDP, Mbyayingabo Alexandre , biyemeje gukoresha amahirwe  ari mu mushinga, cyane cyane abororera mu nzuri za Gishwati, aborozi bamaze gukorerwa imishinga biyemeje kuzuza ibyangombwa no kugaragaza uruhare rwabo mu gihe cya vuba, ubuyobozi bw’Akarere bwijeje aborozi kuzabafasha mu rugendo rwo gukoresha neza amahirwe ari mu mushinga, abitabiriye inama bishimiye ibyo umushinga umaze kubagezaho, aborozi bashimye gahunda y’ubwishingizi  bw’inka biyemeza  gushyira inka  zabo mu bwishigizi mu gihe cya vuba.

Inama yayobowe n’Umuyobozi w’Akarere wungirije ushinzwe iterambere ry’Ubukungu, Bwana Habanabakize Jean Claude.