Muri Transit Centre ya Kijote, iherereye mu Kagali ka Kijote, Umurenge wa Bigogwe, Akarere ka Nyabihu, kuri uyu wa kane, tariki ya  07 Nyakanga 2022, habereye igikorwa cyo  kwakira abanyarwanda batahutse bavuye muri Repubulika Iharanira Demukarasi ya Kongo(DRC) ku itariki ya 06 Nyakanga 2022, bagera ku 103, bari mu  miryango 36, igikorwa cyitabiriwe n’abayobozi mu nzego zitandukanye, harimo;

Umuhuzabikorwa wa SPIU/ MINEMA, Ingabire Veneranda, akaba n’umushyitsi mukuru muri iki gikorwa,

Umuyobozi wa UNCHR/Ibiro bya Karongi, Bwana Francis Ezike Okagu,

Umuyobozi wa Transit ya Kijote,

Ubuyobozi bw’Umurenge wa Bigogwe  bwari buhagarariwe na CRO, Madamu Karinganire Florence.

Muri uyu muhango habaye ibikorwa bitandukanye:

Gusura ikigo hagamijwe kureba isuku y’aho bakirirwa n’ibijyanye n’imibereho myiza yabo,

Kubaha ikaze no kubamara impungenge  ku bijyanye n’umutekano wabo mu Gihugu,

Kubamenyesha ibibagenerwa bitangwa n’abafatanyabikorwa nka UNHCR, MINEMA, NIDA, bakiri muri Transit, mu Mirenge no mu Turere twabo,

Kubashimira ko bafashe icyemezo cyiza cyo gutaha mu Gihugu cyababyaye no kubasaba kuzitabira gahunda zitandukanye za Leta, bageze mu Mirenge yabo no gukora bagamije kwiteza imbere ubwabo ndetse n’Igihugu cyabo muri rusange,

Aba banyarwanda batahutse bazamara muri transit igihe cy’ibyumweru bibiri, ababishinzwe bagikurikirana ubuzima bwabo, harimo kubapima no gufotora abagejeje ku myaka 16 kuzamura.