Ku rwibutso rw’Akarere ka Nyabihu ruherereye mu Murenge wa Mukamira, ku wa gatanu, tariki ya 19 Mata 2024, habereye igikorwa cyo kwibuka ku nshuro ya 30 Jenoside yakorewe abatutsi mu mwaka w’1994.

Igikorwa cyitabiriwe n’Umuyamabanga wa Leta muri Minisiteri y’ubuhinzi n’ubworozi, Dr. Rwigamba Eric akaba n’umushyitsi mukuru muri iki gikorwa, Komiseri w’ubutabera muri IBUKA ku rwego rw’Igihugu, Bwana Bayingana Janvier, abasenateri mu Nteko ishinga amategeko aribo; Hon. Prof. Dusingizemungu Jean Pierre, Hon. Uwizeyimana Evode, Hon. Mureshyankwano Marie Rose. 

Hari kandi Vice Chairperson wa RPF ku rwego rw’Igihugu, Hon. Uwimana Consolee, Umunyamabanga Nshingwabikorwa w’Intara y’Uburengerazuba, Madamu Uwambajemariya Florence,  Umuyobozi Nshingwabikorwa ushinzwe Itorero muri MINUBUMWE, Hon. Uwacu Julienne, Nyiricyubahiro Musenyeri wa Diyosezi Gaturika ya Ruhengeri, Nyiricyubahiro Musenyeri wa Diyosezi y’Abangilikani ya Kivu.

Igikorwa cyitabiriwe kandi n’abayobozi mu nzego z’umutekano bakurikira; Umuyobozi w’Inkeragutabara mu Ntara y’Uburengerazuba Bgde General J. Hodari, Umuyobozi wa Police mu Ntara y’Uburengerazuba ACP. E. Hatari, ACP. F. Muheto, Umuyobozi w’Ingabo mu Turere twa Ngororero, Nyabihu na Rubavu, Lt. Col. F. Nyagatare, abagize Inama y’umutekano itaguye y’Akarere ka Nyabihu. Hari nanone  abayobozi ba IBUKA mu Turere twa Ngororero, Nyabihu na Musanze, abahagarariye amadini n’amatorero mu Karere ka Nyabihu, abaturage b’Akarere ka Nyabihu, inshuti n’abavandimwe baturutse mu bice bitandukanye by’Igihugu cyacu; bose bakiriwe n’Umuyobozi w’Akarere ka Nyabihu, Madamu Mukandayisenga Antoinette.

Igikorwa cy’uyu minsi cyaranzwe no kumva ubuhamya kuri Jenoside yakorewe abatutsi n’ubutumwa bwo kwibuka binyuze mu biganiro no mu ndirimbo, gushyingura mu cyubahiro imibiri 51 y’abatutsi bazize Jenoside yakorewe abatutsi yabonetse  mu Karere ka Nyabihu, gisozwa no gushyira indabo ku rwibutso no kunamira inzirakarengane zazize Jenoside yakorewe abatutsi mu Karere ka Nyabihu.

Twibuke twiyubaka.