Mu gihembwe cy'ihinga 2026 A ,hazakoreshwa uburyo bushya mu kuzamura umusaruro.
Mu cyumba cy’inama cy’ishuri rya Coding Academy riherereye mu Murenge wa Mukamira, ku wa 2 Nzeri 2025, Umuyobozi w'Akarere wungirije ushinzwe iterambere ry'ubukungu, Bwana HABANABAKIZE Jean Claude yitabiriwe inama itegura igihembwe cy'ihinga 2026 A cyizakoreshwamo uburyo bushya mu kuzamura umusaruro.
Iyi nama yagarutse ku myiteguro n'uburyo bushya buzakoreshwa mu buhinzi buzwi nka FOBASI (Food Basket Site Approach) mu kuzamura umusaruro w'ibihingwa byatoranyijwe kuri buri hegitare. Ubu buryo bwitezweho guhaza abaturage mu biribwa no kubafasha kwiteza imbere.
Bwana Habanabakize yasabye abitabiriye inama gukoresha ubutaka bwose bwagenewe guhinga mu rwego rwo kububyaza umusaruro. Yagize ati: “Murasabwa gukoresha ubutaka bwose bwagenewe ubuhinzi, mukoresha inyongera musaruro n’ibihingwa byatoranyijwe.” Yibukije ko ufite ubutaka budahinze kandi hakagombye guhingwa,agomba gushaka uko bwahingwa cyangwa akabuha abandi bakabuhinga kuko kutabubyaza umusaruro ari igihombo ku Gihugu.
Iyi nama yarimo abafatanyabikorwa batandukanye nka RAB,APTC,Kilimo Trust,AGRIFOP,FXB,TUBURA,EGSP, Agrodealers n’abandi. Habayeho kungurana ibitekerezo kandi hafatwa ingamba zihamye mu kuzamura umusaruro w’ibihingwa byatoranyijwe no kuwubonera isoko rirambye. Ibi bizatuma abahinzi boroherwa no kubahiziriza izindi gahunda za Leta zirimo kwishyura ubwisungane mu kwivuza,amafaranga y’ishuri,kurya indyo yuzuye no kurwanya igwingira.
ICYUMWERU CY’UMUJYANAMA, UMWANYA WO KWEGERA ABATURAGE
Mu gihe cy’Icyumweru cy’Umujyanama cyabaye kuva ku wa 17 kugeza ku wa 19 Kamena 2026, abagize Inama Njyanama basuye ibikorwa bitandukanye mu mirenge…
URUGENDO SHURI KU KWESA IMIHIGO MU KARERE KA NGOMA
Mu rwego rwo kwigiranaho ku ngamba zo kwesa Imihigo n’uburyo zishyirwa mu bikorwa, itsinda rigari ry’Akarere ka Nyabihu riyobowe n’Umunyamabanga…
NYABIHU: HATERANIYE INTEKO RUSANGE YA 28 Y’INAMA Y’IGIHUGU Y’URUBYIRUKO
Kuri uyu wa 13 Kamena 2026,Umuyobozi w’Akarere ka Nyabihu, Mme MUKANDAYISENGA Antoinette,yakiriye Umunyamabanga wa Leta muri Minisiteri y’Urubyiruko…
IKIRARO CYO MU KIRERE CYA SHYIRA, CYATEJE IMBERE IMIGENDERANIRE N’UBUHAHIRANE
Abaturage bo mu Murenge wa Shyira mu Karere ka Nyabihu n’abo mu Murenge wa Mugunga muri Gakenke bishimiye irangira ry’ikiraro cyo mu kirere cyubatswe…
UBUKANGURAMBAGA KU GUKUMIRA NO KURWANYA IMIRIRE MIBI N’IGWINGIRA MU BANA BATO
Kuwa 09 Kamena 2026, Umuyobozi w’Akarere wungirije ushinzwe Imibereho Myiza y’Abaturage, Bwana Simpenzwe Pascal, yatangije icyumweru cyahariwe…
TRANSPARENCY INTERNATIONAL RWANDA MU NAMA KU IGENAMIGAMBI N’IMITANGIRE YA SERIVISI
Umuyobozi w’Akarere, Mme MUKANDAYISENGA Antoinette, ari kumwe na Perezida w’Inama Njyanama y’Akarere, Bwana HABANABAKIZE Protais, bakiriye Intumwa ya…
URUZINDUKA RWA MINISITIRI W’IBIKORWA BY’UBUTABAZI MU KARERE KA NYABIHU
Minisitiri w’Ibikorwa by’Ubutabazi, Maj.Gen.(Rtd) Albert MURASIRA, ari kumwe n’itsinda ayoboye, kuri uyu wa 01 Gicuransi 2026 yagiriye uruzinduko mu…
KWIBUKA32: AKARERE KA NYABIHU KASHYINGUYE MU CYUBAHIRO IMIBIRI 6 Y’ABAZIZE JENOSIDE YAKOREWE ABATUTSI
Mu rwego rwo kwibuka ku nshuro ya 32 Jenoside yakorewe Abatutsi mu 1994, kuri uyu munsi ku rwibutso rw’Akarere ka Nyabihu ruherereye mu Murenge wa…
ABASIRIKARE BIGA MU ISHURI RYA NYAKINAMA BASUYE IBIKORWA BYA BYAKOZWE N'UMUSHINGA WA SEBEYA
Kuri uyu wa 3 Mata 2026, Umuyobozi w’Akarere, Mme Mukandayisenga Antoinette, yakiriye itsinda ry’abasirikare biga mu Ishuri Rikuru rya Gisirikare rya…
