Umuganda wateguwe ku bufatanye n’abatanyabikorwa b’Akarere ka Nyabihu bibumbiye muri JADF/ Inkingi Nyabihu,  wakozwe kuri uyu wa gatatu, tariki ya 30/10/2019, mu Mudugudu wa Nyirabashenyi Akagari ka Jaba, Umurenge wa Mukamira. Mu rwego rwo kubakira abatishoboye muri gahunda yo gukemura ibibazo bitandukanye bibangamiye abaturage (HIS).

Uyu muganda witabiriwe n’abafatanyabikorwa baturutse mu miryango 57 itandukanye ikora muri gahunda zitandukanye mu Karere ka Nyabihu, abayobozi b’amadini ndetse n’abaturage bagera ku 1500.

Hakozwe igikorwa cyo kwikorera amabuye yo kubakisha umusingi w’izo nzu, amabuye yikorewe akaba agera ku masiteri 145, ndetse hakusanywa n’inkunga ku buryo bukurikira;

Health Builders : Imifuka itanu y’isima

CRS Caritas Gikuriro: Amabati 30 yo gusakara ubwiherero

Empowering children with disabilities: 100 000frs

Jean Claude( Roche spirtuel): Imifuka icumi y’isima

Eglise de pentecote Apostolique au Rwanda: 40 000frs

Seven Days Adventist : Bazadusubiza nibamara kuganira

Pr Ndeze Pierre (ADERP) barajya inama vuba bazaduha igisubizo

Hinga weze: Bazavugana n’abayobozi bazadusubize mu gihe cya vuba

Amazing Adventist Healthcare (AAH): Bazubaka inzu imwe y’umuturage utishoboye

EENR: 50 000frs

EAR Karago: Amabati atanu

IEE Rwanda:  100 000frs

ADRA: Bazasakara ubwiherero 6000: Amabati 12000

Nyabihu Interfaith batanze amabati 107 umwaka ushize kandi bakomeje gukusanya inkunga.

Abatanyabikorwa biyemeje kongera gutegura neza iki gikorwa kugira ngo inkunga  izaboneke ihagije iziyongera kuri iyi imaze kuboneka.

Abatanyabikorwa biyemeje kandi ko uyu muganda uzajya  utegurwa  buri gihembwe, Akarere kazajya gategura aho ugomba kubera n’ikizakorwa.

Umuyobozi  w’Akarere ka Nyabihu wungirije ushinzwe iteramberery’ubukungu , Bwana Habanabakize Jean Claude wari witabiriye iki gikorwa, yashimiye byimazeyo ku gikorwa kimaze kugerwaho haba  abafatanyabikorwa ndetse n’abayobozi b’amadini, abizeza ubufatanye  n’imikorere myiza bigamije kubaka Akarere ka Nyabihu.