Umuganda wihariye w’urubyiruko, igihembwe cya kabiri, wabereye mu Mirenge yose igize Akarere ka Nyabihu, wibanda ku kurwanya isuri hacibwa inzira z’amazi, gusibura imiyoboro y’amazi, gukora imihanda, kubumba amatafari, kubakira abatishoboye.

Uyu muganda wari ufite intego yo gushishikariza urubyiruko kugira uruhare mu kubungabunga ibidukikije, kugira uruhare mu guhangana n’ibibazo bibangamiye imibereho y’abaturage cyane cyane ibiterwa n’isuri, gukangurira urubyiruko ibikorwa by’amaboko bigamije kubaka Igihugu.

Nyuma y’umuganda, abawitabiriye bahawe ibiganiro byibanze ku mumaro wo kubungabunga ibidukikije n’uruhare rw’urubyiruko mu kubibungabunga, kwizigamira ku rubyiruko hagamjijwe kuzagira ejo hazaza heza, kwitabira gahunda zinyuranye za Leta, gukunda umurimo, kurwanya ibiyobyabwenge mu rubyiruko, gushishikariza abaturage gukomeza kugira umuco w’isuku ku mubiri, mu ngo zabo ndetse n’ahandi hahurira abantu benshi hagamijwe kwirinda ibyorezo bitandukanye nka: Marburg na Mpox.

Umuyobozi w’Akarere wungirije ushinzwe iterambere ry’ubukungu, Bwana Habanabakize Jean Claude yakoranye umuganda n’urubyiruko rw’Umurenge wa Mulinga, Akagari ka Nyamasheke, ahakozwe umuhanda hanasiburwa imiyoboro y’amazi.

Umuyobozi w’Akarere wungirje ushinzwe imibereho y’abaturage, Bwana simpenzwe Pascal yifatanyije n’urubyiruko rw’Umurenge wa Rurenbo muri uyu muganda.