Umunsi mpuzamahanga wahariwe umugore wo mu cyaro wahawe insanganyamatsiko igira iti’’Iterambere ry’umugore wo mu cyaro, inkingi y’ubukungu bw’Igihugu’’, ku rwego rw’Intara y’Uburengerazuba wizihirijwe mu Karere ka Nyabihu, kuri uyu wa gatandatu, tariki ya 15 Ukwakira 2022.

Muri uyu munsi mukuru habereye ibikorwa bitandukanye, birimo;

Imurikabikorwa ryagaragarijwemo ibikorwa by’ubuhinzi, iby’ubworozi n’iby’ubukorokori, abagore bagezeho mu rwego rwo kwiteza imbere,

Habaye umuhango wo kuremera no gutanga inkunga yo kwiteza imbere ku bagore, Hatangwa; Inka ebyiri:2, Intama ebyiri:2, Inkoko mirongo itanu:50, Umuceri: ibiro mirongo inani: 80kgs, Ibigori(impungure): 120 kgs, Akawunga: 125kgs, Ingano: 25kgs, Ibirayi: 30kgs, Ibishyimbo: 80kgs,

Hatanzwe nanone ibihumbi maganatandatu(600 000frs), byagabanyijwemo abagore batandatu(6) muri gahunda ya One hundred Women.

Iki gikorwa cyitabiriwe n’ Uhagarariye Urugaga rw’abagore(CNF)  ku Ntara y’ Uburengerazuba, madamu Kayitesi Dative, wahawe ikaze n’Umuyobozi w’Akarere ka Nyabihu, Madamu Mukandayisenga Antoinette, hari kandi Umujyanama uhagarariye abandi mu Nama Njyanama y’Akarere ka Nyabihu, Niyonzima Africa

Muri gahunda yo kugira ngo iki gikorwa gitungane, hari abafatanyabikorwa bagizemo uruhare, ari bo;

Urugaga rw’abagore (CNF) ku rwego rw’Intara y’Uburengerazuba,

Urugaga rw’abagore (CNF) ku Karere ka Nyabihu no ku Mirenge

Inama Njyanama y’Akarere ka Nyabihu

Mukamira Community Based Organization (MCBO)

Urugaga rw’abagore rushamikiye ku muryango FPR Inkotanyi

Ibyatanzwe byose muri iki gikorwa haremerwa abagore, byose bifita agaciro ka Miliyoni imwe n’ibihumbi maganacyenda na mirongo itanu na bine ( 1 954 000frs).