Mu Midugudu yose y’Akarere ka Nyabihu, ku wa gatanu, tariki ya 01 Kanama 2025, hizihijwe ibirori by’Umuganura, uyu munsi wahawe insanganyamatsiko igira it’’Umuganura Isoko y’Ubumwe  n’Ishingiro ryo Kwigira”.

Ku rwego rw’Akarere, Umuganura wizirijwe mu Murenge wa Karago, Akagari ka Karengera, Umudugudu wa Rwumuyaga, witabirw’ Umuyobozi w’Akarere ka Nyabihu, Madamu Mukandayisenga Antoinette ari kumwe n’abahagarariye inzego z’umutekano mu Karere ka Nyabihu(RDF, RIB, DASSO), umukozi wa MINALOC uahinzwe gahunda zo kwivana mu bukene, Bwana Ingabire Jean Claude Pacifique, abafatanyabikorwa n’abaturage b’Umurenge wa Karago.

Kuri uyu munsi, hakozwe ibikorwa bitandukanye, birimo; gutangiza igikorwa cyo kubaka ikigega cy’amazi ku isoko ya Rwama, gusura umusaruro w’abaturage, gushimira Umudugudu wa Hanika, Akagari ka Gatagara ndetse n’Umurenge wa Karago, byabaye indashyikirwa mu kwishyura Ubwisungane mu kwivuza mu mwaka 2024-2025, kuganuza abana bahabwa amata, guha abaturage ibikoresho by’ubuhinzi bazifashisha mu gihembwe cy’ihinga gitaha.

Umuyobozi w’Akarere yagarutse ku kwishimira ibyagezweho, gutegura ahazaza no kwibuka abahuye n’ibihe bibi by’umusaruro, bakabaganuza; asaba abaturage guharanira kuba isoko y’ubumwe n’ishingiro ryo kwigira. 

Ibirori byasojwe no kuganura, kuganuzanya n’ubusabane bw’abayobozi n’abaturage.