Umuyobozi w’Akarere ka Nyabihu, Madamu MUKANDAYISENGA Antoinette, yakiriye ku wa 12/11/2018, itsinda rya Unity Club INTWARARURUMURI riyobowe na Honorable MUKANTABANA Seraphine. Iri tsinda ryakoze inama yari igamije kwimakaza Ubumwe n’Ubwiyunge mu muryango kuko ari wo shingiro ry’Igihugu. Inama yabereye ku rwego rw’Akarere, mu Murenge wa Karago, Akagari ka Cyamabuye, Umudugudu wa Kinyanja. Ibyiciro bitandukanye byitabiriye iyi nama harimo; Abagize Inama Njyanama ku rwego rw’Akarere, Abahoze ari abayobozi mu Karere ka Nyabihu, Abahagarariye inzego z’umutekano, Abanyamabanga Nshigwabikorwa b’Imirenge, Abakuriye Forum z’Ubumwe n’Ubwiyunge ku rwego rw’Imirenge, Komite ya IBUKA ku rwego rw’Akarere, Abahagarariye CNF, Abahagarariye CNJ, Abahagarariye NCPD, Abagize Komite z’Ubumwe n’Ubwiyunge ku rwego rw’Umurenge wa Karago, Abayobozi b’Amasibo mu Murenge wa Karago, Abakuriye Umugoroba w’ababyeyi mu Murenge wa Karago, Inshuti z’umuryango muri uyu Murenge. Muri iyi nama hafatiwe imyanzuro myinshi itandukanye ikurikira; Gukemura ibibazo byugarije umuryango hifashishijwe gahunda za Leta; Gukemura ibibazo binyuze mu Itorero ry’Umudugudu, Umugoroba w’ababyeyi wibanda ku gusasa inzobe,Forum z’amadini n’amatorero, Umuganda n’ibindi. Gufata umwana wese nk’uwawe hagamijwe kumurinda no ku murengera, Ababyeyi biyemeje kuba intangarugero bagaragaza indangagaciro za kibyeyi ku buryo bubera urugero abakiri bato, Ababyeyi biyemeje gukomeza kwigisha ingimbi n’abangavu hagamijwe kubarinda ingeso mbi harimo ubusambanyi, kunywa ibiyobyabwenge… Abitabiriye inama biyemeje gufasha imiryango ibana mu makimbirane, bashyira imbaraga mu gucyaha umubyeyi wagaragajeguhohotera abagize umuryango, Abagize ihuriro ry’Ubumwe n’Ubwiyunge basabwe gukora inshingano zabo uko bikwiye kuko ari byo byafasha gukemura amakimbirane ashingiye ku bumwe n’ubwiyunge.