Ku wa kabiri, tariki ya 04 Werurwe 2025, mu cyumba cy’inama cy’Akarere, habereye inama ya Komite y’imicungire y’ibiza mu Karere ka Nyabihu ( DIDIMAC). Iyi nama yitabiriwe na Minisitiri w’ibikorwa by’ubutabazi, Major General (Rtd) MURASIRA Albert, wari aherekejwe na bamwe mu bakozi bo muri Minisiteri.

Minisiti w’ibikorwa by’ubutabazi yakiriwe n’Umuyobozi w’Akarere ka Nyabihu, Madamu Mukandayisenga Antoinette, akaba ari we Perezida wa Komite y’imicungire y’ibiza mu Karere ka Nyabihu (DIDIMAC) ari kumwe n’abagize DIDIMAC, ba Perezida ba SEDIMAC mu MIrenge yose igize Akarere ka Nyabihu n’abagize Command Posts z’ibiza mu Karere.

Nyuma y’ijambo ry’ikaze ryatanzwe n’Umuyobozi w’Akarere , yaboneyeho umwanya wo kugaragaza ishusho rusange y’Akarere n’ingamba zafashwe mu kurwanya no gukumira Ibiza, hakurikiraho Presentation yatanzwe n’Umuyobozi mukuru muri Minisiteri y’ibikorwa by’ubutabazi.

Mu butumwa bwa Minisitiri yashimiye ubuyobozi bw’Akarere ndetse aboneraho kugaragariza abitabiriye inama ko gahunda y’akazi kwari ukwibukiranya; imikorere n’imikoranire ku kunoza imikorere ya DIDIMAC, SEDIMAC no kumenya inshingano za buri rwego, gukangurira abaturage kwirida Ibiza, kugaragaza Database.

Mu gusoza inama, Minisitiri yibukije abayobozi kwita no gutabara abatishoboye.

Uruzinduko rwakomereje mu Murenge wa Rambura, aho hasuwe zimwe mu nzu zubakiwe abasenyewe n’ibiza.