Ku wa gatatu, tariki ya 23 Nyakanga 2025, mu Karere ka Nyabihu, twakiriye Ambasaderi w’Ubuyapani mu Rwanda ( Japan), Nyakubahwa Fukushima, ari kumwe n’uhagarariye UNICEF mu Rwanda, Madamu Lieke Van de Wiel hamwe n’itsinda rigari bazanye baturutse muri UNICEF no mu Imbuto Foundation. Aba bashyitsi bakiririwe n’Umuyobozi w’Akarere ushinzwe imibereho y’abaturage, Bwana Simpenzwe Pascal ari kumwe n’abahagarariye inzego z’umutekano.

Nyuma yo guhabwa ikaze basuye ECD Model ya Bikingi iherereye mu Murenge wa Bigogwe, Akagari Ka Kijote, Umudugudu wa Bikingi, yubatswe ku bufatanye na Imbuto Foundation, bakomeje basura ibikorwa bitandukanye bikorerwa muri uru rugo mbonezamikurire y’abana bato. Basobanuriwe ibikorerwa muri iyi ECD biteza imbere abaturage bayituriye, harimo gukangura ubwenge bw’umwana, guteza imbere ubuzima bw’abana bato, guteza imbere imirire myiza y’abana bato, uburezi mu bana bato n’ibindi.

Abashyitsi bakomeje basura urugo mbonezamikurire y’abana bato rukorera mu muryango wa Dukundigihugu, ruherereye mu Mudugudu wa Bikingi, Akagari ka Kijote, rufite abana 19 ( Abahungu 8 n’abakobwa 11). Basubanurirwa neza bikorewra muri ECDs, beretswe zimwe mu mfashanyigisho zifashishwa mu gukangura ubwenge bw’umwana . basobanurirwa akamaro k’ingo mbezamukurire ku baturage baturiye izi ECDs.

Abashyitsi bashimishijwe n’uko ababyeyi bagira uruhare rukomeye muri gahunda mbonezamikurire bakora ibikinisho  ndetse n’undi musanzu kugira ngo gahunda mbonezamikurire zigende neza..