Ku wa kabiri, tariki ya 03 Kamena 2025, Umuyobozi w’Akarere ka Nyabihu, Madamu Mukandayisenga Antoinette ari kumwe n’abagize Inama y’umutekano itaguye y’Akarere, yakiriye Ambasaderi w’Ubwongereza mu Rwanda (UK High Commissioner) Madamu Alison Thorpe wari kumwe n’Umuyobozi wa (World Food Program WFP) mu Rwanda, Bwana Andrea Bagnoli. Hari kandi Umuyobozi mukuru ushinzwe imibereho y’abaturage  muri Minisiteri y’Ubutegetsi bw’Igihugu, Bwana Gahiganwa Godfrey n’Umuyobozi mukuru wa LODA, Madamu Nyinawagaga Claudine.

Aba bashyitsi bagiriye uruzinduko rw’akazi mu Karere ka Nyabihu, rugamije gusura ibikorwa biterwa inkunga n’Ikigega cya FCDO ( Ikigega cya Commonwealth gitera inkunga ibikorwa by’iterambere), basuye;

 --Transit Centre ya Kijote ihereye mu Murenge wa Bigogwe/Bikingi, yakira by’agateganyo impunzi ziturutse muri Repubulika iharanira Demokarasi ya Congo, aho basuye abarimo ndetse bareba na servisi zitandukanye zihatangirwa,

-Ishuri ry’imyuga rya Impact Hope Rwanda, riterwa inkunga na LODA, riherereye mu Murenge wa Jenda, Akagari ka Bukinanyana,

-Ibikorwa by’amaterasi biterwa inkunga na LODA, mu Murenge wa Bigogwe, Akagari ka Kijote, Umudugudu bwa Busasamana,

-Umurenge SACCO, mu Murenge wa Bigogwe, Akagari ka Rega, Umudugudu wa Ngagare; harebwa imikorere n’imitangire ya Serivisi,

-Abashyitrsi bari kumwe n’Abayobozi b’Akarere basuye kandi  serivisi zo kwita ku mikurire  y’abana no kwita ku babyeyi batwite mu kigo nderabuzima cya Bigogwe, gihereye mu Murenge wa Bigogwe, Akagari ka Kijote, Umudugudu wa Kazuba.